List án landamæra leita að framkvæmdastjóra

framkvæmdastjóri.png

Nýráðinn listrænn stjórnandi er kominn vel á veg með skipulag hátíðarinnar sem verður í haust en vantar nú liðsauka í formi framkvæmdastjóra!

Helsta hlutverk framkvæmdastjóra er að sjá um fjármál og praktísk atriði en starfið felur líka í sér skapandi vinnu með listrænum stjórnanda og listafólki hátíðarinnar.

Ráðið verður í starfið í gegnum átakið Hefjum störf á vef vinnumálastofnunar.

Hægt er að sækja um inn á mínum síðum hjá vinnumálastofnun. Umsóknareyðublaðið er aðeins aðgengilegt þeim uppfylla skilyrði Hefjum störf átaksins, það eru þau sem hafa verið án atvinnu í að minnsta kosti einn mánuð. Umsóknarfrestur er til miðnættis 31. maí.

Viltu sækja um en ert ekki viss hvernig? Hafðu samband við info@listin.is eða beint við vinnumálastofnun, postur@vmst.is.

Nánar um starfið:

List án landamæra er listahátíð þar sem stór hópur fólks, fatlaðir og ófatlaðir, sýnir listsköpun sína, myndlist, leiklist, tónlist og handverk. Í ár mun hátíðin eiga sér stað í lok október. Þegar er starfandi við hátíðina einn starfsmaður sem listrænn stjórnandi. Möguleiki er á því að starfsmenn bætist við í einstök verkefni á borð við markaðssetningu.

Listrænn stjórnandi starfar í umboði sex manna stjórnar og framkvæmdastjóri er ráðinn með samþykki stjórnar. Ráðningartímabil hefst sem fyrst og stendur til desember 2021. Um er að ræða að meðaltali 50% starf þar sem vinnutími er sveigjanlegur og eftir samkomulagi. Gera skal ráð fyrir því að vinnuálagið verði mest í kringum hátíðina.

Hlutverk

  • Heldur utan um styrktarumsóknir

  • Fjármálaumsjón

  • Praktískt skipulag sýninga og viðburða

  • Hugmyndavinna með listrænum stjórnanda og listafólki

  • Umsjón með markaðssetningu og samfélagsmiðlum ásamt listrænum stjórnanda

  • Ráðning starfsfólks í sérverkefni ásamt listrænum stjórnandi og stjórn (ljósmyndara, grafíska hönnuði, o.þ.h.)

Hæfniskröfur

  • Menntun og reynsla sem nýtist í starfi

  • Reynsla af styrktarumsóknum

  • Reynsla af bókhaldsvinnu

  • Skipulögð og sjálfstæð vinnubrögð

  • Reynsla af viðburðarskipulagi og/ eða menningartengdri verkefnastjórnun

  • Þekking og áhugi á listum

  • Þekking og áhugi á málefnum fatlaðs fólks

List án landamæra